У Страсбургу пачынае працу сесія ПАСЕ
У парадак дня зімовай сесіі ўваходзіць і “Беларускае пытанне”.
Чакаецца, што перад дэпутатамі ПАСЕ выступяць прэм'ер-міністр Вялікабрытаніі Дэвід Кэмеран, прэзідэнт Фінляндыі Тар'і Халанен, намеснік генеральнага сакратара ААН Мішэль Бачэлет і іншыя асобы.
Беларускае пытанне плануецца абмеркаваць 25 студзеня. Перад парламентарыямі Савета Еўропы выступіць са справаздачай дакладчыка ПАСЕ па сітуацыі ў Беларусі Андрэс Херкель. Будзе таксама прадстаўлены даклад прадстаўніка камітэта ПАСЕ па юрыдычных пытаннях і правах чалавека, нямецкага дэпутата Марылуізэ Бек, інфармуе БелаПАН.
