У Празе прэзентуюць васковую скульптуру "Сэрца для Вацлава Гавэла"
Працу над ёй сканчаюць вядомыя чэшскія мастакі Раман Швейда і Лукаш Гаўлоўскі.
Нагадаем, першы прэзідэнт Чэхіі Вацлаў Гавэл памёр 18 снежня мінулага года пасля працяглай хваробы. Тысячы чэхаў і замежнікаў, а сярод іх і беларусаў, у дні жалобы запалілі свечкі на пражскай Вацлаўскай плошчы і ў іншых гарадах па ўсёй краіне. Менавіта з рэшткаў гэтых свечак і ствараецца вялізная скульптура у выглядзе сэрца.
Як інфармуе РІА Новости, скульптура будзе выстаўленая 10 лютага перад Нацыянальным тэатрам у Празе.