У Польшчы навучаецца 2937 студэнтаў з Беларусі
Усяго зараз у гэтай краіне навучаецца больш за 24 тысячы замежных студэнтаў з 141 краіны свету.
Гэта амаль на 4 тысячы больш, чым у 2011 годзе. Аднак гэта толькі 1,1% ад агульнай колькасці студэнтаў краіны. Па гэтым паказніку Польшча знаходзіцца на апошнім месцы з усіх краінаў Еўрапейскага саюза.
Беларусы другія па колькасці замежных студэнтаў у польскіх ВНУ. Найбольш масава прадстаўлены ў навучальных установах Польшчы ўкраінцы, паведамляе “Польскае прэсавае агенцтва” са спасылкай на дадзеныя Адукацыйнага фонда “Перспектывы”.
