У панядзелак пачнецца суд над экс-чыноўнікам з Савета рэспублікі
Мінскі гарадскі суд 10 верасня пачне разгляд крымінальнай справы былога начальніка сакратарыята Савета рэспублікі Глеба Бядрыцкага.
Як інфармуе interfax.by, крымінальная справа Бядрыцкага складае 47 тамоў. Чыноўніка затрымалі напрыканцы кастрычніка 2011 года ў яго працоўным кабінеце. Яго абвінавацілі ў крадзяжы шляхам злоўжывання службовымі паўнамоцтвамі і ў злоўжыванні службовым становішчам.
38-гадовы абвінавачаны накіраваў прашэнне на імя кіраўніка дзяржавы пра вызваленне яго ад крымінальнай адказнасці. Аднак міліцыянты кажуць, што "калі справа накіраваная ў суд — значыць, прашэнне адхіленае".