У Мінску маланкай ударыла маладую жанчыну
27-гадовая мінчанка трапіла ў лякарню з апёкамі 1-3 ступені. Яна пацярпела ў навальніцу, якая прайшла 1 ліпеня ўвечары.
Стыхія прынесла разбурэнні ў 15 населеных пунктаў краіны, паведамілі БЕЛТА ў дзяжурнай частцы МНС. Навальнічны фронт прайшоўся па Гомельскай, Мінскай і Магілёўскай абласцях. У асобных раёнах моц ветру дасягнула 18 метраў за секунду. Пашкоджаныя дахі 21 жылога дома, а таксама яшчэ 30 адміністрацыйных і вытворчых будынкаў.
Без электрычнасці засталося 673 населеных пункты, на раніцу 2 ліпеня электразабеспячэнне там было адноўлена. У Мінску за мінулыя суткі выпала 13 міліметраў ападкаў. На некаторых участках дарог горада быў абмежаваны рух транспарту.
