У Магілёве разбураецца Мемарыяльная арка Славы (фота)
Адна з пліт, прымацаваных да мемарыяла, звалілася і цалкам разбілася.
Спецыялісты кажуць, што, хутчэй за ўсё, гаворка ідзе не пра хуліганства. А пліта адвалілася ад проста старасці, адзначае магілёўскі сайт mycity.by. На яе месца цяпер давядзецца замаўляць новую.
Пабітая пліта займала цэнтральнае месца на мемарыяле. На ёй былі пералічаны падраздзяленні 2-га Беларускага фронта, якія атрымалі найменне "Магілёўскіх" за вызваленне горада. Асноўная задача будаўнікоў цяпер — аднавіць спіс. У дарожна-маставым прадпрыемстве спадзяюцца, што захаваліся адпаведныя тэкставыя ці фотадакументы.
Фота: mycity.by
