У КДБ выклікалі гомельскага арганізатара флэш-моба ў падтрымку "Ляпісаў"
17 сакавіка да Івана Марозькі прышлі тры супрацоўнікі КДБ. Каб трапіць у кватэру, яны назваліся газавай службай. Кадэбісты перадалі хлопцу позву на допыт.
Ён павінен з'явіцца на апытанне 18 сакавіка.
Марозька папытаўся ў самазваных газаўшчыкоў, ці будуць яны правяраць лічыльнікі. Тыя спярша не адказалі. Але на развітанне заявілі, што могуць паглядзець і лічыльнікі.
