У Іспаніі гарнякі завяршылі 50-дзённы пратэст пад зямлёй
Сямёра шахцёраў заявілі, што спыняюць страйк па стане здароўя.
Як паведамляе ВВС, гарнякі пратэставалі супраць бюджэтных скарачэнняў урада. Трое з дзесяці першапачатковых удзельнікаў страйку былі вымушаныя спыніць яго яшчэ ў чэрвені — таксама па стане здароўя.
Тым часам прафсаюз гарнякоў заявіў, што працягне процідзейнічаць жорсткім мерам эканоміі, якія ўводзіць урад. Нагадаем, што ў мінулую сераду ў Мадрыдзе адбыліся сутычкі паміж шахцёрамі і паліцыянтамі.
