У Грузіі і Паўднёвай Асеціі згадваюць ахвяраў вайны 2008 года
Памятныя мерапрыемствы да чацвёртых угодкаў ад пачатку вайны пачнуцца ўжо ўвечары 7 жніўня.
Як адзначае РБК, у Паўднёвай Асеціі ўвечары адкрыецца "Выстава расстраляных карцін". Яна пройдзе на Тэатральнай плошчы ў цэнтры Цхінвалі. Пасля гэтага хросны ход пройдзе да Лесвіцы Гергіева, дзе пройдзе акцыя памяці ўсіх што згінулі без вестак. На 8 жніўня ў Цхінвалі запланаваныя круглы стол і сустрэча з прадстаўнікамі асяцінскіх дыяспар далёкага і блізкага замежжа.
У сваю чаргу, прэзідэнт Грузіі Міхаіл Саакашвілі загадаў 7 і 8 жніўня прыспусціць дзяржаўныя сцягі на ўсёй тэрыторыі Грузіі. Гэта будзе зроблена ў памяць пра загінулых у вайне ў жніўні 2008 года.
Нагадаем, канфлікт паміж Грузіяй і Расіяй успыхнуў у ноч з 7 на 8 жніўня 2008 года. Нагодай для яго акурат стала непрызнаная рэспубліка Паўднёвая Асеція.
