У Францыі расследуюць усплёск суіцыдаў у France Telecom
Экс-кіраўніку кампаніі Дід'е Ламбару пагражае да 1 года турмы і 15 тысяч еўра штрафу.
Як паведамляюць замежныя СМІ, пракуратура Францыі расследуе самагубствы больш як 30 супрацоўнікаў кампаніі France Telecom у 2005-2010 гадах. Акурат тады кампаніяй кіраваў Ламбар.
Прафзвязы вінавацяць яго ў ціску на кіруючае звяно карпарацыі, якое выклікала частыя нервовыя перагрузкі ў персанала. Некаторыя з нябожчыкаў адкрыта называлі France Telecom прычынай свайго сыходу з жыцця.
Ламбара пасля допыту адпусцілі на волю пад заклад у 100 тысяч еўра.
Фота — Reuters
