У брэсцкіх школах усіх наведнікаў пачалі рэгістраваць на вахце

Указанне “зарэгістравацца ў Кнізе ўліку наведнікаў на вахце” для дарослых наведнікаў карэспандэнт Еўрарадыё пабачыў на дзвярах адной са школ Ленінскага раёна Брэста. Дзяжурная настаўніца не змагла патлумачыць, што будзе, калі ўсе бацькі стануць у чаргу да вахцёра падчас, напрыклад, бацькоўскага сходу.

Нагадаем, у траўні ў школах Брэста і вобласці распачала працу змяшаная міжведамасная камісія. Яна правярае бяспеку школ, рэжым і дысцыпліну працы.