У Бразіліі ўпершыню зарэгістравалі шлюб траіх чалавек
Натарыюс даў дазвол на шлюбную дамову мужчыны і дзвюх жанчын.
Юрыстам нават прыйшлося прыдумаць для яе новы панятак — "стабільны саюз", бо адпаведных словаў у сучаснай партугальскай мове не знайшлося.
Як паведамляе gazeta.ru, інцыдэнт адбыўся ў Сан-Паўлу. Мужчына і жанчыны, якія жывуць у Рыё-дэ-Жанэйра, патлумачылі натарыюсу, што намагаюцца забяспечыць кожнага ўдзельніка саюза пэўнымі фінансавымі гарантыямі. Паведамляецца, што ім па 30 гадоў, яны ўжо працяглы час жывуць разам.
Тым часам, рашэнне натарыюса выклікала крытыку з боку камітэта па справах сям'і і рэлігійных арганізацый.
