У Бабруйскім ваенкамаце правялі паказальны суд над "ухілістам"
На паседжанне выязнога суда запрасілі каля 50 прызыўнікоў.
Суд даказаў віну абвінавачанага ва ўхіленні ад войска і прысудзіў яму штраф, паведамляе Бабруйскі партал. Такога выпадку не было ў Бабруйску ўжо некалькі гадоў.
Прызыўнікам, якіх запрасілі на суд, распавялі, што штраф — самае малое наказанне за адхіленне ад арміі. Маўляў, у Крымінальным кодэксе яшчэ прадугледжаны і арышт да 6 месяцаў, абмежаванне волі на 2 гады ці пазбаўленне волі на той жа тэрмін.
