The Toobes і сябры сыграюць "доўгі-доўгі рок-н-рол"
Апроч скандальнага трыа ў канцэрце возьмуць удзел гурты The Blackmail i Fantastiques.
У межах вялікага еўрапейскага канцэртнага туру ў падтрымку свайго апошняга альбома “Generation” трыа The Toobes ладзіць вялікі канцэрт у Мінску. Апроч “Тубсаў” на сцэну клуба Re:Public выйдуць каманды The Blackmail i Fantastiques.
“У Мінску мы вырашылі зрабіць трайную прэзентацыю са сваімі сябрамі – гуртамі The Blackmail i Fantastiques, - распавядаюць удзельнікі The Toobes. - Гэта нашы любімыя сябры, мы маем з імі шчыльныя стасункі і наша музыка пераплятаецца з іхняй. Таму і вырашылі зрабіць сумесны канцэрт. То бок, гэта будзе доўгі-доўгі рок-н-рол. Трайны сольны канцэрт”.
Канцэрт адбудзецца 31 сакавіка. Першыя 150 квіткоў на канцэрт музыкі аддаюць па 30 тысяч. І варта спяшацца. Бо ў дзень канцэрта кошт квітка вырасце да 70 тысяч рублёў.
