Сяргея Каваленку сёння падтрымаюць у Кіеве
16 сакавіка а 13-й гадзіне каля амбасады Беларусі ў Кіеве адбудзецца акцыя салідарнасці з беларускім палітвязнем.
Арганізатарам акцыі з’яўляецца Беларускі цэнтр ва Украіне. Нагадаем, што Сяргей Каваленка ў лютым быў асуджаны на 2 гады і месяц калоніі за парушэнне рэжыму адбыцця "хатняй хіміі" (ён быў пакараны за вывешаны ў Віцебску на галоўнай ёлцы горада бела-чырвона-белы сцяг). Ад снежня з перапынкамі актывіст КХП БНФ трымае галадоўку. Сяргей Каваленка пакуль не збіраецца яе спыняць і папрасіў грамадскасць праводзіць акцыі ў яго падтрымку.