Сям'я асуджанага ўкраінскага экс-міністра не збіраецца з'язджаць з краіны
Сям'я былога міністра ўнутраных справаў Юрыя Луцэнкі застанецца ва Украіне. Пра гэта заявіла жонка Луцэнкі Ірына.
Яна кажа, што спадзявалася на апраўдальны прысуд, але ведала, што ўлада такога не дазволіць напярэдадні выбараў у Вярхоўную раду.
Нагадаем, што героя Памаранчавай рэвалюцыі Юрыя Луцэнку асудзілі на 4 гады пазбаўлення волі з канфіскацыяй маёмасці. Яго взінавацілі ў перавышэнні службовых паўнамоцтваў на пасадзе міністра ўнутраных справаў.
Як перадае сайт "Подробности", Еўрасаюз у асобе Кэтрын Эштан ужо выказаў расчараванне прысудам. Па яе словах, гэта сігнал аб працягу ва Украіне судовай практыкі, якая не адпавядае міжнародным стандартам.