Сядзіба Чачотаў з разбуранымі пакоямі даражэй за замак у Венгрыі

120529 Martin Zamki.mp3

Міністэрства культуры шукае інвестараў пад “аграэкатурызм”.
Дакладней — прадае сядзібы і палацы. У спісе, змешчаным на сайце Мінкульта,
Еўрарадыё знаходзіць 46 такіх прапаноў.

“Яна цяпер на ацэнцы ў Міністэрстве культуры. Кошт будзе
прыкладна 1,3 мільярда рублёў”
, — расказваюць мне ў аддзеле культуры
Ваўкавыскага райвыканкама
пра былую сядзібу Чачотаў у вёсцы Падароск.

Сядзіба Чачотаў у вёсцы Падароск

Раней яна
належыла сельскагаспадарчаму прадпрыемству “Падароск”.

“Знешне сядзіба нармальна выглядае. Унутры пагром, там,
здаецца, перапланіроўка была. Стан — ніякі. Былі падсобныя памяшканні, частка з
іх разбураная. Там возера поруч. Але вельмі дорага”
, — расказваюць на
прадпрыемстве.

Як даведалася Еўрарадыё, кошт сядзібы — 123 тысячы еўра.
Гэта пры тым, што займацца можна толькі агратурызмам. На сайце
інтэрнэт-нерухомасці знаходзім венгерскі замак у стылі барока.

Каштуе 110 тысяч
еўра. Абавязковае патрабаванне — рэстаўрацыя. У замку 14 пакояў, вада,
электрычнасць, вінны пограб і паркоўка.

Замак у Венгрыі

І на 13 тысяч еўра танней за спадчыну Чачотаў!

На тэрыторыі сядзібы Рэйтанаў цяпер… жывуць цяляты. Чыноўнікі шукаюць
інвестара.

“Там у сядзібе Рэйтанаў ёсць канюшні. Адна развальваецца, а
другая ў добрым стане. Там трымаюць цялятаў. А ў самой сядзібе нічога няма.
Сцены толькі”
, — апісваюць Еўрарадыё сядзібу прускіх дваранаў у вёсцы Грушаўка
ў аддзеле культуры Ляхавіцкага райвыканкама.


Канюшні на тэрыторыі сядзібы Рэйтанаў


У вёсцы Паланечка аддаюць палац Радзівілаў,
— паведамляе Баранавіцкі райвыканкам. Тут была школа, а цяпер будынак у
аварыйным стане. І ўжо ёсць пакупнік.

“Вокны і дзверы забітыя дошкамі, каб дзеці не лазілі. Там
шмат гадоў была школа. Пасля яе прызналі аварыйнай. Дах перакрылі — паклалі
нержавейку. Сцены і будынак стаяць”
, — гэтак апісваюць былы палац Радзівілаў у
Баранавіцкім райвыканкаме.


Фрагменты былой сядзібы Яленскіх у вёсцы Туча набыла
італьянска-беларуская кампанія “Дольчэ Аўта”. Дакументы рыхтавалі паўгода.

“Паводле рашэння райвыканкама яны мусяць арганізаваць
турыстычны аб’ект, даць два працоўныя месцы. Праз некалькі гадоў увесці аб’ект
у эксплуатацыю”
, — расказваюць у Клецкім райвыканкаме.


“Гэта такі стык мецэнацтва і капіталізма. Акрамя сядзібы, мы
ўзялі яшчэ спіртзавод, канюшню, возера і кавалак лесу. Наша ідэя — запусціць
канюшню, усталяваць ландшафтны парк, зрабіць рыбалку, філіял музея і цэнтр з
нумарамі кшталту хостэла”
, — старшыня савету дырэктараў “Дольчэ Аўта” Віталь
Шаблоўск
і дзеліцца са мной планамі.

На ліку кампаніі ўжо 5 падобных аб’ектаў. Збіраюцца набыць
яшчэ два. Маўляў, у Беларусі недаацэньваюць перспектывы турызму.

Фота: tranio.ru, govorim.by, realbrest.by, globus.tut.by