Спіс футбалістаў БАТЭ, якія могуць згуляць з "Баварыяй"
Галоўны трэнер барысаўчан Віктар Ганчарэнка паведаміў прозвішчы гульцоў, якія паехалі ў Нямеччыну.
Нагадаем, 5 снежня ў Мюнхене БАТЭ згуляе з "Баварыяй" матч групавога раўнда футбольнай Лігі чэмпіёнаў. Да 4 снежня футбалісты і трэнеры БАТЭ будуць жыць у прадмесці горада Нойштадт-на-Дунаі, у 86 км ад Мюнхена.
У спісе — Гарбуноў, Гутар, Сіміч, Філіпенка, Палякоў, Радзькоў, Ліхтаровіч, Бардачоў, Аляхновіч, Сівакоў, Юрэвіч, Валадзько, Бага, Глеб, Брэсан, Канцавы, Радзівонаў, Васілюк, Бадаян, Курловіч, Кунцэвіч, Сарока.
З-за траўмаў не паляцелі ў Нямеччыну Мазалеўскі, Паўлаў і Шчарбакоў. Для Рудзіка цяпер шукаюць новыя варыянты працаўладкавання, а бразільскі нападаючы Майкон вяртаецца ў беластоцкую "Ягелонію" — скончыўся яго тэрмін арэнды, інфармуе сайт ФК БАТЭ.
На здымку: брамнік Андрэй Гарбуноў і паўабаронца Рэнан Брэсан. Фота — fcbate.by
