Шапіра прапанаваў гродзенскім прадпрымальнікам набываць пустыя будынкі
Гродзенскі аблвыканкам гатовы вылучыць 20 мільярдаў рублёў для засваення безгаспадарчых аб’ектаў.
Пра гэта кіраўнік вобласці Сямён Шапіра паведаміў жыхарам Гродзеншчыны 28 лютага, калі адказваў на іх пытанні ў жывым эфіры тэлеканала “ЛАД-Гродна”.
Агучаная Шапірам сума будзе вылучацца ў якасці крэдытаў праз банкі. Прадпрымальнікі і нават фізічныя асобы змогуць арандаваць будынак на льготных умовах. Па словах кіраўніка аблвыканкаму, гэтыя аб’екты павінны прыносіць карысць людзям: там мусяць размяшчацца кавярні, рэстараны ці гатэлі. Адмысловы конкурс заявак правядзе Цэнтр развіцця прадпрымальніцтва, што дзейнічае пры аблвыканкаме.
