Сёння будуць судзіць аўтара плаката "Мусарок" (відэа)
Івана Амельчанку затрымалі 15 траўня ў міліцыі Ленінскага раёна Мінска і даставілі ў турму на Акрэсціна.
Як паведамляе праваабарончы сайт "Вясна", Амельчанка вырашыў сам прыйсці ў міліцыі, бо цягам апошніх тыдняў яго пастаянна спрабавалі выклікаць праз бацькоў для дачы тлумачэнняў па справе аб масавых беспарадках 19 снежня 2010 года.
Хаця ў міліцыю хлопец прыйшоў з адвакатам, у РАУС абаронцу не прапусцілі. На хлопца склалі адміністрацыйны пратакол.
Нагадаем, што падчас сёлетняга “Чарнобыльскага шляху” Іван Амельчанка зладзіў перфоманс: стаў побач з відэааператарам у цывільным з плакатам “Мусарок”.
