Самы высокі ўзровень жыцця ў ЕС у Люксембургу
У гэтай краіне якасць жыцця на 50% вышэйшая, чым у сярэднім па краінах Еўрасаюза.
Паводле справаздачы, апублікаванай Еўрапейскім статыстычным агенствам, у першую пяцёрку краінаў увайшлі таксама Вялікабрытанія, Нямеччына, Нідэрланды і Аўстрыя.
Пры складанні рэйтынгу галоўным крытэрам быў узровень расходаў насельніцтва на індывідуальнае спажыванне, уключна з усімі таварамі і паслугамі, якімі карысталіся грамадзяне. Прычым незалежна ад таго, плацілі яны за іх самі, ці гэта рабіла дзяржава, паведамляе Telegraph.
