Рэпартаж аб выбарах у Беларусі пакажуць у Еўрапарламенце
Гэта адбудзецца 7 снежня.
Для паказу выбраны рэпартаж тэлеканала Белсат "Рэаліці-шоў: выбары". Прагляд адбудзецца ў межах паказу фільмаў аб правах чалавека ў постсавецкіх краінах.
Мерапрыемства будзе суправаджацца выставай фотаздымкаў лістоў беларускіх палітвязняў да сваіх сем'яў. На прагляд фільмаў прыедзе расійскі апазіцыянер Гары Каспараў, жонкі Дзмітрыя Бандарэнкі і Мікалая Статкевіча Вольга і Марына Адамовіч, а таксама фатограф Андрэй Дубінін.
