Раманчука няма на паседжанні Нацыянальнага камітэта АГП
Як стала вядома Еўрарадыё, сустрэча Анатоля Лябедзькі, які выйшаў на волю з СІЗА КДБ, з экс-кандыдатам у прэзідэнты адбудзецца пазней.
У мінскім офісе Аб'яднанай грамадзянскай партыі праходзіць паседжанне Нацыянальнага камітэту АГП. На ім было прапанавана разгледзіць два пытанні: аб удзеле сябраў партыі ў кампаніях іншых кандыдатаў і аб змене кіраўніцтва партыі. Бо дагэтуль выконваць абавязкі старшыні партыі працягвае Станіслаў Багданкевіч (ён прыняў на сябе гэтыя абавязкі пасля арышту Лябедзькі ў снежні 2010-га).
Лябедзька спаслаўся на недахоп інфармацыі і прапанваў першае пытанне разгледзець пазней. Ён сказаў, што "хоча паглядзець у вочы кожнаму з гэтых людзей".
Як стала вядома Еўрарадыё, на паседжанні Нацыянальнага камітэта няма Яраслава Раманчука. Сустрэча Лябедзькі і Раманчука адбудзецца пазней.
