П'яны бізнэсовец на аўтамабілі прарываўся праз мяжу з Літвы ў Беларусь
Здарэнне адбылося ўначы 1 сакавіка ў пункце пропуску "Катлоўка".
Мінскі бізнэсовец на "БМВ-Х6" ехаў са сваёй 20-гадовай дачкой, якая кіравала аўтамабілем. Ён не схацеў губляць час у чарзе і загадаў, каб дачка аб'ехала іншыя машыны. На патрабаванне памежнікаў вызваліць праезд ён не рэагаваў.
У выніку на месца выклікалі супрацоўнікаў ДАІ. Мужчыну затрымалі, яго прыцягнулі да адміністратыўнай адказнасці за парушэнне правілаў дарожнага руху і дробнае хуліганства, інфармуе БелаПАН.
