Прэзідэнт Расіі і генеральны сакратар Савета Еўропы пагавораць пра Беларусь
Дзмітрый Мядзведзеў і Турб'ерн Ягланд сустрэнуцца 23 сакавіка ў Маскве.
Плануецца таксама, што генеральны сакратар Савета Еўропы (на здымку) правядзе перамовы з міністрам замежных спраў Расіі Сяргеем Лаўровым, інфармуе РІА "Новости".
БелаПАН нагадвае, што Турб'ерн Ягланд асудзіў нядаўняе рашэнне Аляксандра Лукашэнкі адмовіць у памілаванні Уладзіславу Кавалёву і Дзмітрыю Канавалаву, прыгавораным да смяротнай кары па абвінавачанні ў тэрарызме. "Беларусь — адзіная краіна ў Еўропе, дзе ўсё яшчэ караюць смерцю людзей. З іх непавагай да асноўных правоў чалавека і дэмакратычных стандартаў, улады Беларусі ўсё больш ізалююць сваю краіну і яе людзей ад усяго астатняга свету".
Фота — bymedia.net
