Праваабаронцы з "Вясны" працавалі апошні дзень у сваім офісе
23 лістапада праваабаронцы вывезлі не апісаныя судом рэчы і дакументы.
На панядзелак, 26 лістапада, прызначана канфіскацыя кватэры, якая належыць палітвязню Алесю Бяляцкаму. У гэтай кватэры амаль 12 гадоў размяшчаўся офіс "Вясны", нагадвае БелаПАН.
Нагадаем, што сёння ў Берліне адбылася цырымонія ўзнагароджання беларускага праваабаронцы прэміяй Кэлі, якую прысудзіў яму Фонд Генрыха Бёля. Замест палітвязня прэмію атрымала яго жонка Наталля Пінчук. Ад грашовага складніку прэміі (10 тысяч еўра) Бяляцкі адмовіўся. Ён перадаў грошы на праваабарончую дзейнасць у Беларусі. 
Фота — БелаПАН
