Польскі суд агучыць рашэнне па справе беларуса, якая цягнецца 12 гадоў
Маецца на ўвазе прадпрымальнік-палітуцякач Андрэй Жукавец, які падтрымліваў апазіцыю, а ў 1999-м уцёк за мяжу.
Беластоцкі раённы суд вынесе прысуд па справе Жукаўца ў чацвер 18 кастрычніка. На апошнім паседжанні, якое праходзіла 14 верасня, суддзя адмовіўся прымаць паказанні сведкаў з Беларусі. Матываваў ён гэта тым, што ў Беларусі "адбываецца пераслед апазіцыянераў, таму такія сведчанні могуць быць непраўдзівымі".
Беларускі бок дамагаецца выдачы Андрэя Жукаўца, супраць яго на радзіме распачатая крымінальная справа. У Польшчы суд над палітуцекачом цягнецца другое дзесяцігоддзе.