Пашкоджаны помнік паўстанцам 1863 года (фота)
Здарэнне адбылося ў Мілавідах, што ў Баранавіцкім раёне — якраз у тыя дні, калі адзначаецца 150-годдзе паўстання пад кіраўніцтвам Кастуся Каліноўскага.
П’яны кіроўца ехаў на машыне праз Мілавідскае поле і трапіў проста на месца ўсталявання помніка. На месцы здарэння валяецца бампер ад машыны, іншыя дэталі.
“Дзякаваць Богу, да каменя з шыльдай не дапяў, — гаворыць старшыня Баранавіцкай філіі ТБМ Віктар Сырыца. — Але пляцоўку разбурыў. Будзем збіраць подпісы і звяртацца ў Мілавідскі сельсавет, каб яе адрамантавалі”.
Помнік быў пастаўлены баранавіцкімі грамадскімі актывістамі ў 1993 годзе ў гонар угодкаў Мілавідскай бітвы.
