Палітвязень Андрэй Саннікаў заўтра адзначыць свой 58-ы дзень нараджэння
Жонка ўжо даслала экс-кандыдату ў прэзідэнты віншаванкі. Пра гэта Ірына Халіп расказала ў гутарцы з Еўрарадыё:
Ірына Халіп: "І паштоўку даслала, і тэлеграму адправіла... І яшчэ некаторыя сюрпрызы рыхтую".
На жаль, асабіста павінашваць мужа з днём нараджэння Ірына Халіп не зможа: бліжэйшае спатканне ў іх можа адбыцца толькі праз тры месяцы. Затое звесткі ад палітвязня могуць быць ужо сёння, бо сёння з ім сустракаецца адвакат.
