Офіс бабруйскага свабоднага прафсаюза замуравалі (фота)
27 ліпеня закрылі доступ у офіса “Свабоднага прафсаюза Беларускага” на заводзе трактарных дэталяў і агрэгатаў (ТДіА).
Дзверы проста замуравалі, хоць гэта і супярэчыць пастанове Гаспадарчага суда Магілёўскай вобласці.
Суд адмовіў заводу ў задавальненні пазова аб прымусовым высяленні аб’яднання з памяшкання, паведамляе spring96.org. Нягледзячы на гэта завод высяліў незалежных прафсаюзаў.
Дзверы замуравалі літаральна за ноч, зрабілі перабудову. Цяпер офіс стане чарговым падсобным памяшканнем, а рэчы былых арандатараў проста выкінулі.
