Новыя звесткі пра загінулых ад землятрусу ў Кітаі — 203 чалавекі
24 чалавекі лічацца зніклымі без вестак, болей за 11 тысяч параненыя. Гэтыя лічбы яшчэ могуць павялічыцца, паведамляюць інфармагенцтвы.
Цяпер у раён бедства працягваюць прыбываць атрады ратавальнікаў і медыкаў. Доступ у шэраг населеных пунктаў ускладнены, туды даводзіцца вылятаць на верталётах.
Магутны землятрус магнітудай амаль у 7 балаў адбыўся ў суботу раніцай ў правінцыі Сычуань. Падобныя прыродныя катаклізмы здараюцца ў гэтым рэгіёне не ўпершыню: у 2008 годзе тут таксама адбыўся землятрус магутнасцю ў 8 балаў. 87 тысяч чалавек тады загінулі ці зніклі без вестак, мільёны людзей пазбавіліся жылля.
Фота — ria.ru