Нацбанк дасць магчымасць разлічвацца валютай у гатэлях і на запраўках
Плануецца пашырыць сферу выкарыстання замежнай валютай ва ўнутраных разліках з фізічнымі асобамі.
У лісце Нацбанка, накіраваным у камерцыйныя банкі, пазначана, што разлічвацца валютай можна будзе ў рознічным гандлі нафтапрадуктамі і звадкаваным газам, у турыстычным бізнэсе. Валюту можна будзе прымаць у гатэлях ад гасцей-нерэзідэнтаў. Таксама замежнікі змогуць разлічвацца валютай у санаторыяй, на турбазах, у прафілакторыях, за медычныя і адукацыйныя паслугі.
Такім чынам Нацбанк спадзяецца прыцягнуць у краіну замежную валюту, паведамляе Інтэрфакс-Захад.
