"Нафтан" і "Славія", "Гомель" і "Тарпеда-БелАЗ" — відэаагляд гульняў
У панядзелак прайшлі матчы 5-га тура першынства краіны па футболе ў вышэйшай лізе.
У Наваполацку ў сустрэчы аўтсайдэраў была зафіксаваная нулявая нічыя. Прычым, ад 67-й хвіліны госці былі ў меншасці — за два падобныя парушэнні з поля быў выдалены Чалядка. З такім жа лікам скончыўся матч "Гомель" — "Тарпеда-БелАЗ".
Нагадаем, што чатыры матчы тура прайшлі ў нядзелю (гл. відэа).
Пакуль лідыруюць тры каманды — "Нёман", "Шахцёр" і БАТЭ, якія набралі па 10 ачкоў. Матчы 6-га тура пройдуць 27 і 28 красавіка. Гродзенскі "Нёман" будзе прымаць "Дняпро", БАТЭ — "Мінск", "Шахцёр" у гасцях згуляе са "Славіяй".