На рок-н-рол, метал і электроніку павязуць на двухпавярховых бусах
Бо фэсту “I need” трэба нешта новенькае.
Другая версія фестывалю “Трэба” (I need festival) абрушылася на нашы галовы за 2 тыдні да пачатку. Арганізатар Паша Някрасаў цэлы год выношваў планы па гэтым фэсце, цягнуў з абвяшчэннем, бо чакаў спонсараў, а пасля плюнуў на іх, і вырашыў зрабіць фэст цалкам сваімі рукамі:
“Увогуле, усім гэтым спонсарам пляваць на тое, што адбываюцца на фестывалях. Яны зацікаўленыя толькі ў тым, каб моладзь піла іх гарэлку і піва, і паліла іх цыгарэты. А тое, што там ёсць музыка, нейкія пачуцці, што людзі там знаёмяцца, улюбляюцца, жэняцца – ім пляваць. Але галоўнае, каб не было пляваць публіцы”.
Для публікі падрыхтавалі шмат новага (хоць асноўны лайнап застаўся мінулагоднім – The Toobes, Петля Пристрастия, The Fantastiques). Галоўная змена – пашырэнне стылістыкі і спроба аб’яднаць як мінімум тры мінскія “тусоўкі” – рок-н-рольную, металічную і электронную.
“Звычайна тыя, хто ходзіць на рок-н-рол канцэрты, не ведаюць, што адбываецца на пост-хард-кор канцэртах і хто туды ходзіць, і што адбываецца на начных вечарынах – драм-н-бэйсе, дабстэпе, на “Пудры” – расказвае Еўрарадыё арганізатар Паша Някрасаў, – А тут будзе магчымасць за кошт аднаго канцэрту наведаць усе тры”.
Другая змена – месца. У мінулы раз гэта было ў горадзе і ў клубе “Брадвей”, а зараз – за горадам, 12 км ад Мінска, у вялікім гасцінічным комплексе, дзе акрамя сцэн, рэстаранаў і крамы, будуць “нумары”, якія можна зняць за 80 тысяч, і адпачыць на фэсце з большым камфортам.
Да фэсту будуць курсаваць бясплатныя двухпавярховыя бусы з метро “Усход”.
“Туды можна будзе дабрацца нават на роварах, – кажа Паша – туды ідзе веласцежка з Мінску. Прыйдзецца звярнуць і праехаць толькі адзін кіламетр па звычайнай трасе”.
Вывучайце лайн-ап і паехалі.
26 траўня
18:00—00:00
1-я сцэна (rock’n’roll, garage, indie, post-punk):
The Toobes
Петля Пристрастия
The Fantastiques
Gentle Bombandiers
The Conspiraters
Don't Shoot! Don't Shoot!
The Praga
2-я сцэна (Post-hardcore, hardcore , hardcore-punk):
Aspirin Rose
Unsilent
Stanmarsh
The Day Of Remission
A Hero Will Stand
00:00—6:00
1-я сцэна “Пудра!”:
MARMO
MAD MOUSE
BADGER
ESCO
2-я сцэна Madmouse promo (Dubstep, drum'n'bass):
MALK
SOCA TOCA
MIKSER
HATSKIP
Квіткі: 50 тыс. папярэдне, 70 тыс. – у дзень.
Флэт на суткі: 60-70 тыс./чал.
Інфармацыя: 8033 6043089, 8029 7078333, 8029 1690456
Падея ЎКантакце.
Падзея ў Фэйсбуку.