МЗС: у сектары Газа знаходзяцца дзве беларускі
Падчас аднаго з мінулых "гарачых" канфліктаў іх адтуль эвакуявалі, але жанчыны пасля вярнуліся. Яны там маюць сем'і і не хочуць з'язджаць.
"Іншых беларусаў у сектары Газа няма", — цытуе словы прэс-сакратара МЗС Беларусі Андрэя Савіных БЕЛТА.
Нагадаем, Ізраіль праводзіць вайсковую аперацыю, мэтай якой з'яўляецца знішчэнне ў сектары Газа баевікоў і іх інфраструктуры. Ізраільская авіяцыя наносіць кропкавыя ўдары, у адказ ляцяць ракеты. МЗС Беларусі рэкамендуе грамадзянам нашай краіны ўстрымацца ад паездак у Ізраіль.
Фота — AFP
