МУС абвяргае звесткі пра арышт кіраўніка ўпраўлення ўласнай бяспекі
16 сакавіка Міністэрства ўнутраных справаў апублікавала адмысловую заяву.
У ёй гаворыцца, што "ў Інтэрнэце на дэструктыўных рэсурсах" было змешчана паведамленне пра затрыманне і арышт начальніка галоўнага ўпраўлення ўласнай бяспекі МУС падпалкоўніка міліцыі Уладзіміра Кротава. Паводле заявы МУС, якую перадае БЕЛТА, гэтая інфармацыя не адпавядае рэчаіснасці.
Нагадаем, што паведамленне пра арышт Кротава за вымагальніцтва абнародаваў сайт "хартыя'97".
