Міністрам абароны Чэхіі стала 37-гадовая Караліна Пік (фота)
Прэм'ер-міністр Чэхіі Пётр Нечас лічыць, што Пік мае дастатковы досвед, каб ачоліць міністэрства абароны.
У сераду стала вядома, што новым міністрам абароны Чэхіі стала лідарка партыі ліберальных дэмакратаў Караліна Пік.
Адпаведную пастанову прыняў прэзідэнт краіны Вацлаў Клаўс. Папярэдні міністр абароны Аляксандр Вондра днямі пайшоў у адстаўку з-за "недастатковай грамадскай падтрымкі" і паражэння на выбарах у Сенат Чэхіі.
Не ўсе чэшскія палітыкі ўспрынялі гэты крок пазітыўна, яны не ўпэўненыя, што Пік здолее паспяхова выканаць ускладзеныя на яе задачы.
"Хачу падкрэсліць, што пасада міністра абароны з'яўляецца менеджэрска-палітычнай, і ў мяне няма сумневаў у тым, што Караліна Пік справіцца", — яшчэ да прызначэння сказаў прэм'ер Пётр Нечас.
Фота — czlife.ru
