Міністр замежных спраў Польшчы лічыць, што Беларусі пашанцавала
На думку Радаслава Сікорскага, Еўрасаюз даўно мог разарваць з нашай краінай усе сувязі.
Прычынай разрыву, на думку Сікорскага, могуць быць няспынныя рэпрэсіі супраць апазіцыі. Аб гэтым ён заявіў у панядзелак. Радаслаў Сікорскі лічыць, што Беларусь мусіць ацаніць той факт, што яе ня выкінулі з «Усходняга партнёрства» пасля 19 снежня.
Наступны саміт «Усходняга партнёрства» запланаваны на 29-30 верасня. Выступаючы на сустрэчы, арганізаванай брусэльскім Цэнтрам еўрапейскай палітыкі, Сікорскі даў зразумець, што хоць Лукашэнку хутчэй за ўсё на саміт не запросяць, у ім могуць узяць удзел прадстаўнікі рэжыму, паведамляе “Радыё Свабода”.
