Мінабароны здзіўляе прычына забароны на выезд адваката Кавалеўскай
Адваката Саннікава Марыну Кавалеўскую не выпусцілі ў Літву, нібыта, за "ўхіленне ад прызыву ў войска".
Дзеля абароны сваіх правоў яна накіравала кіраўнікам Рэспубліканскай і Мінскай калегій адвакатаў дакументы з просьбай адрэагаваць на парушэнне яе канстытуцыйных правоў. Таксама Кавалеўская просіць дапамагчы ў выкрэсліванні яе са "спісу невыязных".
У Міністэрстве абароны Еўрарадыё сказалі, што не ведаюць пра гэтую сітуацыю.
120607 Minabarony.mp3
Мінабароны: "Нешта тут незразумела абсалютна. Ва ўсялякім выпадку, мы такой інфармацыяй не валодаем. Таму трэба звяртацца да таго органа, якія гэта распаўсюдзіў".
Еўрарадыё: Але ў нас жанчыны ж не ваеннаабавязаныя?
"Вось таму я і кажу, што мы не валодаем такой інфармацыяй", — адказваюць у Мінабароны.
Фота — mir.pravo.by