Міліцыя знайшла Уладзіміра Хамічэнку
Тым самым яна абвергла паведамленні аб тым, што адзін з фігурантаў крымінальнай справы 19 снежня пасля свайго вызвалення так нідзе і не аб'явіўся.
Праваахоўнікі паведамілі, што на самой справе Хамічэнка ў панядзелак 15 жніўня прыбыў у Слуцк, а раніцай 16-га зьявіўся ў Слуцкі РАУС. Там яму вярнулі пашпарт і збіраюцца прапанаваць працу ў Слуцкім раёне, паведамляе БелТА.
Нагадаем, што 11 жніўня Лукашэнка памілаваў дзевяць палітвязняў. Такое рашэнне было прынята на падставе іх просьбаў. У лік памілаваных увайшоў і Хамічэнка, вядомы сярод блогераў як “навушнік”.
