Мартынаў прымае ўдзел у сустрэчы міністраў краін “Усходняга партнёрства”
Штогадовая нарада міністраў замежных спраў краін-партнёраў "Усходняга партнёрства", дзяржаў-членаў ЕС адбудзецца сёння ў Брусэлі.
У мерапрыемстве прыме ўдзел беларуская дэлегацыя на чале з міністрам замежных спраў Беларусі Сяргеем Мартынавым, паведамляе БЕЛТА. Удзельнікі сустрэчы абмяркуюць прамежкавыя вынікі працы "Усходняга партнёрства" і перспектывы яго развіцця на наступны год. А таксама прынятую Еўрасаюзам у траўні 2012 года "дарожную карту" на 2012-2013 гады.
Кіраўнік беларускай дэлегацыі выступіць з пазіцыяй Беларусі па пытаннях адносін з ЕС і павышэння эфектыўнасці "Усходняга партнёрства", правядзе шэраг сустрэч з кіраўніцтвам структур ЕС і кіраўнікамі дэлегацый краін-удзельніц нарады.