Магілёўцы скокнулі з моста ў Дняпро за скрыню гарэлкі
33-гадовы мужчына патануў, а 39-гадовы знаходзіцца ў гарадской лякарні.
Здарэнне адбылося днём у мінулую нядзелю. Цела патанулага мужчыны дагэтуль не знойдзена, паведамляе тэлеканал “Магілёў-2”.
Перад тым як скокнуць з моста, мужчыны пабіліся аб заклад на скрыню гарэлкі, што здолеюць зрабіць гэта. Яны былі добра нападпітку ды ў дадатак пасварыліся з жонкамі.
У сувязі з інцыдэнтам кіраўнік Магілёва Станіслаў Барадаўка загадаў узмацніць патруляванне гарадскіх мастоў і вадаёмаў.
На фота: той самы магілёўскі мост.
