Лявон Вольскі прэзентаваў у Магілёве дыск "Саўка ды Грышка"
Бясплатны канцэрт з прэзентацыяй мультымедыйнага дыска прайшоў у магілёўскім цэнтры "Кола сяброў".
У невялікае памяшканне прыйшло больш за сотню гледачоў. Многім не хапіла месца, і яны былі вымушаны стаяць у праходзе. Гледачы актыўна размаўлялі з Лявонам і задавалі пытанні, паведамляе БелаПАН.
На дыску, які бясплатна распаўсюджваўся сярод публікі, сабрана 50 песень. На працягу года яны кожны тыдзень гучалі ў эфіры "Радыё Свабода".
