Ліга Еўропы: "Гомель" сёння гуляе з "Ліверпулем"
Матч 3-га кваліфікацыйнага этапа футбольнай Лігі Еўропы пачнецца 2 жніўня а 21-й гадзіне на гомельскім стадыёне "Цэнтральны".
Падзея гістарычная — дагэтуль беларускія клубы ніколі не гулялі са славутым "Ліверпулем". Госці, якія ўчора прыляцелі ў Гомель, як чакаецца, выступяць у наймацнейшым складзе. На гомельскім стадыёне будзе аншлаг.
Паколькі на 2 жніўня прыпадае яшчэ і Дзень дэсантніка, праваахоўнікі ўзмоцняць у Гомелі меры "па забеспячэнні грамадскага парадку і бяспекі грамадзян". Усіх супрацоўнікаў міліцыі абласнога цэнтру перавядуць на ўзмоцнены варыянт нясення службы. Таксама ў Гомель прыедуць міліцыянты з іншых гарадоў вобласці.
На здымку: Паўабаронца "Ліверпуля" Джордан Хендэрсан (справа)
