Гомельская міліцыя рыхтуецца: акрамя "Ліверпуля" яшчэ і Дзень дэсантніка
2 жніўня ў Гомелі пройдзе матч трэцяга кваліфікацыйнага раўнда футбольнай Лігі Еўропы паміж "Гомелем" і англійскім "Ліверпулем".
У сувязі з гэтым, а таксама Днём дэсантніка, які прыпадае таксама на чацвер, праваахоўнікі ўзмоцняць меры "па забеспячэнні грамадскага парадку і бяспекі грамадзян". Усіх супрацоўнікаў міліцыі абласнога цэнтру перавядуць на ўзмоцнены варыянт нясення службы. Таксама ў Гомель прыедуць міліцыянты з іншых гарадоў вобласці, паведамляе БелаПАН.
На здымку: На мінулым тыдні прадстаўнікі "Ліверпуля" ўжо былі на "разведцы" ў Гомелі.