Кіраўнік БАТЭ Анатоль Капскі тры дні быў у коме
Яму зрабілі складаную аперацыю. Умяшальніцтва хірургаў спатрэбілася пасля перанесенай летам цяжкай пнеўманіі.
Наступствы той хваробы выявіліся праз некалькі месяцаў. 9 студзеня Анатолю Капскаму зрабілі аперацыю сэрца і сасудаў у віленскай клініцы. Трое сутак ён быў у коме. Цяпер Капскаму ўжо дазваляюць прагулкі, паведамляе "Прессбол".
Анатолю Капскаму 46 гадоў. Ён — гендырэктар прадпрыемства "БАТЭ", старшыня праўлення ФК БАТЭ.
Фота — gazetaby.com