Кэтрын Эштан лічыць, што цяпер можна нармалізаваць адносіны ЕС з Беларуссю
З такой заявай Вярхоўная прадстаўніца ЕС па замежных справах і палітыцы бяспекі выступіла на слуханнях у Еўрапарламенце 17 красавіка.
Каментуючы вызваленне экс-кандыдата ў прэзідэнты Андрэя Саннікава, Эштан заявіла, што гэтыя падзеі "як ніколі паказваюць неабходнасць для ЕС быць рашучымі і выступаць адзіным фронтам".
Разам з тым кіраўніца еўрапейскай дыпламатыі адзначыла, што цяпер у Еўрасаюза з'явілася новая магчымасць для нармалізацыі адносінаў з нашай краінай, перадае Радыё "Свабода".
Фота — AFP