КДБ: Матэрыялы негатыўна адлюстроўваюць жыццядзейнасць беларускага народа
У Ашмянскім раённым судзе ў сераду праходзіць працэс па "экстрэмісцкім" альбоме "Прэс-фота Беларусі".
Нагадаем, КДБ угледзеў экстрэмізм у фатаграфіях.
У судзе выступіла прадстаўніца КДБ Наталля Скурат. Яна пацвердзіла просьбу прызнаць альбом "Прэс-фота Беларусі 2011" экстрэмісцкімі матэрыяламі. Адказваючы на пытанне адваката аб тым, якім чынам складалася экспертная камісія, адказала, што гэтым займаўся ідэалагічны аддзел Гродзенскага аблвыканкама. КДБ звярнуўся туды з лістом аб дапамозе.
"Гэтыя матэрыялы негатыўна адлюстроўваюць жыццядзейнасць беларускага народа", — заявіла суду прадстаўніца КДБ Наталля Скурат.
