Гродзенскі суд не стаў разглядаць скаргу ад руху "За Свабоду”
Актывіст Сяргей Трафімчык хацеў абскардзіць адмову ў рэгістрацыі абласнога аддзялення руху.
Але суд палічыў, што Трафімчык не мае паўнамоцтваў прадстаўляць інтарэсы грамадскага аб’яднання.
Па яго словах, на сённяшнім паседжанні суддзя Вячаслаў Міхневіч нават не стаў разбірацца ў акалічнасцях справы. Прычынай ён назваў тое, што не пацверджаныя паўнамоцтвы заяўнікаў скаргі.
Нагадаем, што нядаўна на такіх жа падставах суды адмовілі ў рэгістрацыі мясцовым аддзяленням руху "За Свабоду” ў іншых абласных цэнтрах Беларусі.