Грэчка новага ўраджаю будзе каштаваць 6700-7000 рублёў і хопіць усім

110805 Rugain Gre4ka.mp3

Тыдзень таму мінсельгаспрам павышае закупачныя цэны на
грэчку. Цяпер за кілаграм калгасам заплацяць 2900 рублёў (раней было 1726
рублёў). У параўнанні з цэнамі ў крамах, гэта, зразумела, смешна. Але менавіта
з-за павышэння закупачнай цаны грэчка можа хутка патаннець.

На прадпрыемстве “Шыпяны-АСК”, што ў Смалявіцкім раёне,
кажуць, што ў гэтым годзе ідэальнае надвор’е для грэчкі. Намеснік дырэктара па
раслінаводстве Сяргей Навіцкі здзіўляецца, чаму крупы не хочуць вырошчваць.

Сяргей Навіцкі: “Калі
2900 рублёў закупачная цана, і атрымаць тры тоны з гектара, можна падлічыць
прыбытак. І колькі трэба сеяць ячменю і проса, каб атрымаць такія грошы!”


Аднак, як даведалася Еўрарадыё, трэба яшчэ лічыць “фактар
Дажынак”. Моцныя калгасы не павялічваюць пасевы грэчкі, бо не хочуць пагаршаць
паказчыкі (ураджайнасць менш). Слабыя, па словах спецыяліста, не могуць
вырасціць нармальную грэчку.

У Гродзенскай вобласці пасевы грэчкі павялічылі ў тры разы.
Намеснік дырэктара “Скідзельаграпрадукт” Іосіф Эйсмант кажа, што ў гэтым годзе
сваёй грэчкі хопіць усім.

“Чакаецца добры
ўраджай. Думаю, што ў гэтым годзе забяспечым грэцкай крупой усіх Крупа будзе
недарагая. Прыблізна адпускная цана будзе 5200 рублёў за кілаграм. А пасля
30-працэнтная надбаўка ў гандлі”
.


На думку дырэктара “Скідзельаграпрадукт”, грэчка новага
ўраджаю ў крамах будзе каштаваць 6700-700 рублеў.

“Нашай крупы сёння
няма ў крамах. Там і кітайская, украінская, польская, расійская. Таму і такія
кошты ў сувязі з праблемамі з валютай. Але ў гэтым годзе беларуская грэчка
будзе ў крамах у поўным дастатку. Прыблізна, у крамах грэчка будзе каштаваць
6700-7000 рублёў”.

Цяжка паверыць! Цяпер у мінскіх крамах пачак грэчкі каштуе
ад 17 да 37 тысяч рублёў. Дачакаемся верасня.